माहौल त आफैँले बनाउने हो । प्रेमिकालाई खुशी पार्ने यी नौ तरिका तपाईंका लागि गुड फ्राइडे टिप्स हुन सक्छ किः
उसो त तपाईं जति काममा व्यस्त हुनुहुन्छ, प्रेमिकालाई त्यति नै मिस गरिरहेको फिल हुन्छ । यो कुरा तपाईंले पनि बुझ्नु पर्छ पहिले अनि पढ्नुस् यी केही टिप्सहरु ।
१. प्रेमिकाको प्रशंसामा कन्ज्युस्याइँ नगर्नुहोस् :
यसअघि तपाईं आफ्नी प्रेमिकाको कत्तिको प्रशंसा गर्ने गर्नुहुन्थ्यो । यदि थिएन भने प्रशंसा गर्न अब कत्ति पनि नहिचकिचाउनुहोस् । प्रशंसा गर्ने भन्दैमा जुन बेला, जहाँ भेट्यो त्यही पनि प्रशंसा नगर्नुहोस् । त्यसका लागि विशेष क्षण र समय आवश्यक पर्छ । जसका लागि तपाईंकी प्रेमिका तपाईंको प्रशंसा सुन्न आतुर हुन्छिन्, त्यस विषयमा तपाई आवश्यक भन्दा बढी नै चनाखो रहनुहोस् ।
त्यस्तो बेला तपाईंको सानो प्रशंसाले तपाईंकी प्रेमिकालाई लामो समयसम्म खुसी दिन सक्छ । उनको प्रशंसा गरेर उनी सुन्दर भएको भन्दै तारिफ गर्नुहोस्, परिणामस्वरुप तपाईंले तपाईंकी प्रेमिकाको अनुहारमा सधैँ मुस्कान देख्न सक्नुहुनेछ । ‘तिम्रो कपाल राम्रो छ’ भन्नुको सट्टा तपाईंले आफ्नी प्रेमिकाको कपाललाई विस्तारै सुमसुम्याउँदै ‘आहा ! , कस्तो राम्रो कपालको स्टाइल’ भन्नुभयो भने उनको मुहारमा तत्काल खुसी छाउँछ ।
२. उनका कुरामा समर्थन गर्नुहोस्ः
आफ्नी प्रेमिकाको समर्थन गर्न कहिल्यै पनि नडराउनुहोस् । तपाईंको साथ पाएको कारण नै तपाईंकी प्रेमिकामा केही काम गर्ने साहस बढेको हुनसक्छ । त्यसैले आफ्नी प्रेमिकाको चाहना बुझेर उनका काममा साथ दिनुहोस् ।
३. उनको आवश्यकता देखाइदिनुहोस्ः
हरेक युवती आफूलाई आफ्नो प्रेमीले महत्वपूर्ण ठानोस् भन्ने चाहन्छन् । आफूसँग भएका बेला अरुलाई ध्यान नदेओस् भन्ने उनीहको चाहना हुन्छ । त्यसैले प्रेमिका आफ्ना लागि महत्वपूर्ण भएको आभास गराउनुहोस् । उनलाई कहिल्यै अप्ठ्यारो परेको छि भन्नबारे राम्रोसँग बुझ्नुहोस् । बेलाबेला ‘तिमी मेरो संसार हौ’ जस्ता विशेषण भनेर उनलाई खुसी बनाउनुहोस् ।
४. फोन गर्न वा मेसेज लेख्न नहिचकिचाउनुहोस्ः
तपाईंले आफ्नी प्रेमिकालाई सकेसम्म फोन गर्नुहोस् । यदि भ्याउनुभएन भने मेसेज लेख्नुहोस् । प्रेमिकाले पठाएका मेसेजको जवाफ सकेसम्म छिटो दिनुहोस् । प्रेमिकासँग नभएको समयमा पनि उनलाई फोन गरेर वा मेसेज लेखेर खुसी राख्न सक्नुहुन्छ । त्यसैले उनलाई बारम्बार फोन गर्नुहोस् र मेसेज लेख्नुहोस् ।
५. मन नलागे पनि धैर्यताकासाथ उनका कुरा सुनिदिनुहोस्ः
प्रेमिकालाई खुसी राख्न बाझाबाझ गर्न छाड्नुहोस् र असल श्रोता बन्नुहोस्, त्यो चाहेर होस् या नचाहेर । यदि उनलाई तपाईंका केही बानी मन पर्दैनन् भने तिनलाई तत्कालै हटाउनुहोस् । उनको इच्छाबारे तपाईंले सुन्नुभयो भने उनमा पक्कै पनि खुसी छाउँने छ ।
६. समय–समयमा सरप्राइज दिनुहोस्ः
समय–समयमा आफ्नी प्रेमिकालाई विभिन्न सरप्राइज दिनुहोस् । कहिलेकाँही कुनै अवसर नभए पनि उपहार दिनुहोस् । कहिलेकाँही कुनै अवसर नै नपारी एउटा यस्तो योजना बनाइदिनुहोस्, जुन उनलाई मन लागेको होस् । यस्ता सरप्राइजले उनलाई खुसी राख्नेछ ।
७. फिस्स हाँस्न लोभ नगर्नुहोस्ः
प्रेमिकालाई खुसी राख्न तपाईंमा हँसाउन सक्ने खुबीको विकास गर्नुहोस्, जुन अति नै आवश्यक छ । गम्भीर कुरा मात्र गर्दा एक्लिएको महसुस हुनसक्छ । समय–समयमा प्रेमिकालाई दिल खोलेर हाँस्ने जोक्स सुनाउनुहोस् । उनी गम्भीर भएको समयमा पनि केही रमाइला कुरा सम्झाएर सकेसम्म उनलाई हँसाउनुहोस् । ताकि दुवै जनाको मायामा प्रगाढता आओस् ।
८. सामान्य भन्दा विशेष महत्व दिनुहोस्ः
आफ्नी प्रेमिकासँग अरु सामान्य मान्छेभन्दा अलि खुलेर नै कुरा गर्नुहोस् । आफ्ना बारेमा केही गोप्य कुरा छन् भने प्रेमिकासँग बाँड्नुहोस् । यसले गर्दा तपाईंको सम्बन्धमा विश्वास बढ्छ र सम्बन्ध झन् सुमधुर हुन्छ ।
९.सकेसम्म सम्मान गर्नुहोस्ः
कहिल्यै पनि आफ्नी प्रेमिकालाई हल्कारुपमा नलिनुहोस् । तपाईंकी प्रेमिका भनेको तपाईंको निजी सम्पत्ति हुन् । यदि तपाईंसँग कुनै विचार मिल्दैन भने पनि आफ्नी प्रेमिकाको विचारलाई जबर्जस्ति नै किन नहोस्, सम्मान गर्न सिक्नुहोस् । प्रेमिकालाई खुसी राख्न सम्मान गर्नु अत्यन्तै महत्वपूर्ण हुन्छ । यति गर्नुभयो भने तपाईं र तपाईंकी प्रेमिकाबीचको सम्बन्ध तपाईंले कहिल्यै नसोचेको जस्तो हुन्छ । सधैँ माया नै माया ।
